Situata me zjarret në disa zona në Shqipëri po merr përmasa shqetësuese. Në një njoftim të Prefekturës së Lezhës, mëngjesin e së martës, theksohet se “vatra e zjarrit në fshatin Mali i Shëngjinit ka dalë plotësisht jashtë kontrollit” dhe se lokalizimi i flakëve është i pamundur për shkak të erës. Autoritetet thanë se po bëhet evakuimi i banorëve në zona të rrezikuara, ndërsa theksuan nevojën për shtim të kapaciteteve pasi 1.300 zjarrfikës në gjithë vendin nuk e përballojnë situatën me ndezjen e zjarreve.
Zjarret e egra kaplojnë zonën e Shëngjinit
- Reuters
9
Për të shuar zjarret janë angazhuar edhe mjete zjarrfikëse dhe ekipe nga qytetet tjera të Shqipërisë si Mirdita, Tirana, Kamza, Berati, Fieri, Lushnja, Vau i Dejës, Shkodra etj.
10
Zjarrfikësit duke bërë përpjekje për të lokalizuar zjarret.
Banesa dhe biznese po konsiderohen të rrezikuara nga zjarri që është përhapur në qytetin bregdetar të Shëngjinit në Shqipëri.
Banesa dhe biznese po konsiderohen të rrezikuara nga zjarri që është përhapur në qytetin bregdetar të Shëngjinit në Shqipëri.
11
“Me mjetet dhe efektivët zjarrfikës po punohet për mbrojtjen e banesave dhe hoteleve. Deri tani është bërë e mundur që këto objekte të mos preken nga zjarri”, thuhet në njoftimin e prefekturës.
12
Ministri i Brendshëm në detyrë, Taulant Balla, ka shkruar në rrjetin social Facebook se situata është tepër e vështirë.
