Në zonat e banuara me popullatë serbë në veri të Kosovës, është dita e dytë që dyqanet ushqimore, furrat e bukës, barnatoret dhe kafeteritë janë të mbyllura. Për të zbutur situatën, Qeveria e Kosovës ka dërguar atje disa pika lëvizëse të shitjes, me produktet elementare për qytetarët e kësaj pjese. Mbyllja e dyqaneve në veri të vendit, është thënë se është protestë për taksën e vendosur nga Prishtina zyrtare prej 100 për qind ndaj mallrave serbe.
