Vendet e Ballkanit Perëndimor u goditën nga stuhi të forta, më 1 dhe 2 korrik. Dy persona humbën jetën në Mal të Zi. Moti i lig shkaktoi të martën dëme në Kosovë. Në Serbi, Beogradi u godit më së rëndi, ku erërat e stuhishme shkulën pemë dhe shiu përmbyti rrugë dhe shtëpi. Nuk u kursye as jugu i Bosnjë e Hercegovinës. Meteorologët i konsiderojnë këto dukuri normale për këtë periudhë të vitit, dhe paralajmërojnë se, për shkak të ndryshimeve klimatike, stuhi të ngjashme do të bëhen më të shpeshta.