Ndërlidhjet

Rajonet
RADIO
site logo site logo
E mëparshme E ardhshmja
Lajmi i fundit
Multimedia

Mali i Zi, 15 vjet shtet në 15 foto

Pesëmbëdhjetë vjet kanë kaluar që nga 21 maji i vitit 2006, kur Mali i Zi vendosi, nëpërmjet një referendumi, ta rikthente pavarësinë e tij.

Shteti ballkanik kishte fituar fillimisht pavarësinë më 1878, në Kongresin e Berlinit, për t’u bërë shteti i 27-të sovran në botë.

Pas Luftës së Parë Botërore, Mali i Zi ishte aneksuar nga Serbia më 1918, me pëlqimin e fuqive të mëdha, ndërsa dinastia e tij ishte rrëzuar, për t’u bërë pjesë e Mbretërisë së Serbëve, Kroatëve dhe Sllovenëve.

Si pjesë e atij komuniteti, Mali i Zi hyri në Luftën e Dytë Botërore, pas së cilës u bë njëra nga gjashtë republikat e Republikës Socialiste Federale të Jugosllavisë.

Në fillimin e viteve të 90-ta të shekullit të 20-të, në kohën e shpërbërjes së Jugosllavisë, Mali i Zi mbeti në një federatë dyanëtarëshe me Serbinë, Republikën Federale të Jugosllavisë, e cila më pas u transformua në Unionin Shtetëror të Serbisë dhe Malit të Zi.

Me ndërmjetësimin e Bashkimit Evropian, Mali i Zi arriti të luftonte për të drejtën për mbajtje të një referendumi për pavarësim, i cili u mbajt më 21 maj të 2006-s. (Përgatiti: Trim Haliti)
2019 - PROTESTAT QYTETARE​   Protestat më të mëdha qytetare në Malin e Zi u mbajtën më 2019, të organizuara nga lëvizja “Rezisto”. Mijëra qytetarë protestuan për muaj me radhë, pas zbulimit të aferës “Zarfi”, që ekspozoi korrupsionin politik të qeverisë. Qytetarët kërkuan dorëheqjen e udhëheqësve të shtetit malazias, të qeverisë dhe të gjyqësorit, duke i mbajtur ata përgjegjës për korrupsion të vazhdueshëm. Protestat u dobësuan, pasi atyre iu bashkuan partitë opozitare.
13 2019 - PROTESTAT QYTETARE​
 
Protestat më të mëdha qytetare në Malin e Zi u mbajtën më 2019, të organizuara nga lëvizja “Rezisto”. Mijëra qytetarë protestuan për muaj me radhë, pas zbulimit të aferës “Zarfi”, që ekspozoi korrupsionin politik të qeverisë.

Qytetarët kërkuan dorëheqjen e udhëheqësve të shtetit malazias, të qeverisë dhe të gjyqësorit, duke i mbajtur ata përgjegjës për korrupsion të vazhdueshëm. Protestat u dobësuan, pasi atyre iu bashkuan partitë opozitare.
2020 - KISHA SERBE Viti i kaluar u shënua nga procese gjyqësore dhe protesta masive të organizuara nga Kisha Ortodokse Serbe në Malin e Zi, kundër miratimit të Ligjit për Liritë Fetare, i cili parasheh që pronat për të cilat kisha nuk ka dëshmi pronësie të bëhen prona shtetërore. Dhjetëra mijëra besimtarë nga të gjitha qytetet e Malit të Zi morën pjesë në liturgjitë e organizuara, dhe ata u udhëhoqën nga mitropoliti Amfilohije, i cili vdiq në nëntor nga koronavirusi.
14 2020 - KISHA SERBE

Viti i kaluar u shënua nga procese gjyqësore dhe protesta masive të organizuara nga Kisha Ortodokse Serbe në Malin e Zi, kundër miratimit të Ligjit për Liritë Fetare, i cili parasheh që pronat për të cilat kisha nuk ka dëshmi pronësie të bëhen prona shtetërore.

Dhjetëra mijëra besimtarë nga të gjitha qytetet e Malit të Zi morën pjesë në liturgjitë e organizuara, dhe ata u udhëhoqën nga mitropoliti Amfilohije, i cili vdiq në nëntor nga koronavirusi.
2020 - NDËRRIMI I PUSHTETIT Në zgjedhjet parlamentare të mbajtura më 30 gusht, në Malin e Zi, qeveria u ndërrua pas tri dekadash. Fronti Demokratik proserb, demokratët dhe lëvizja qytetare URA fituan zgjedhjet. Në dhjetor, u zgjodh qeveria e udhëhequr nga kryeministri Zdravko Krivokapiq, i cili, si person jopartiak, udhëhoqi bllokun opozitar në zgjedhje, pas sugjerimit të Kishës Ortodokse Serbe në Malin e Zi. Partia Demokratike e Socialistëve e presidentit Milo Gjukanoviq doli në opozitë, përderisa ai vetë mbeti në postin e presidentit të Malit të Zi.
15 2020 - NDËRRIMI I PUSHTETIT

Në zgjedhjet parlamentare të mbajtura më 30 gusht, në Malin e Zi, qeveria u ndërrua pas tri dekadash. Fronti Demokratik proserb, demokratët dhe lëvizja qytetare URA fituan zgjedhjet.

Në dhjetor, u zgjodh qeveria e udhëhequr nga kryeministri Zdravko Krivokapiq, i cili, si person jopartiak, udhëhoqi bllokun opozitar në zgjedhje, pas sugjerimit të Kishës Ortodokse Serbe në Malin e Zi.

Partia Demokratike e Socialistëve e presidentit Milo Gjukanoviq doli në opozitë, përderisa ai vetë mbeti në postin e presidentit të Malit të Zi.

Më shumë materiale

​
Kthehu në fillim
XS
SM
MD
LG