Policia e Kosovës tha se kërcënimi me mjete shpërthyese në Aeroportin Ndërkombëtar të Prishtinës "Adem Jashari" ka rezulutar të jetë i rremë.
Ky aeroport u mbyll përkohësisht më herët gjatë 28 dhjetorit, por policia tha se pas kontrolleve të kryera, nuk ka gjetur asnjë mjet shpërthyes.
"Pas përfundimit të kontrollit dhe punëve nga institucionet relevante, funksionimi dhe qarkullimi në aeroport i është kthyer normalitetit", tha Policia.
Zyrtarët e Aeroportit njoftuan më herët gjatë së mërkurës, se pas pranimit të kërcënimeve me bombë, ishin evakuuar të gjithë udhëtarët dhe personeli i aeroportit.
