Ndërlidhjet

Jep dorëheqje bashkudhëheqësi i Netflixit


Reed Hastings.
Reed Hastings.

Reed Hastings ka dhënë dorëheqje nga roli i tij si bashkudhëheqës i Netflixit, kompani në të cilin ka kontribuuar për më shumë se 25 vjet.

Njoftimi i tij vjen teksa Netflixit i është rritur numri i abonuesve në fund të vitit të kaluar.

Për shkak të vështirësive ekonomike, shumë njerëz është parashikuar se do të hiqnin dorë nga shërbimet e Netflixit.

Mirëpo platforma e ka përmbysur këtë trend, pasi i janë shtuar shtatë milionë përdorues të rinj, disa herë më shumë sesa e kanë parashikuar analistët.

“Viti 2022 ka qenë i vështirë, me një fillim të vrazhdë, por përfundim të ndritshëm”, ka thënë kompania përmes një deklarate.

Largimi i Hastingut e lë Netflixin në një treg të ngarkuar, mirëpo me 231 milionë shikues në gjithë botën.

Kompania tani do të drejtohet nga Ted Sarandos dhe Greg Peters, të dy në pozita të larta ekzekutive.

Përdorimi i përmbajtjes sonë

⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.

Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.

XS
SM
MD
LG