Kosova njihet për tolerancë fetare dhe bashkëpunim në mes të feve, këtë gjë e tregon edhe rasti i avokatëve Nora Veliu me përkatësi fetare myslimane dhe Arianit Koci me përkatësi fetare katolike.
Marrëdhëniet profesionale të dy avokatëve, nuk kanë ngjallur ndonjë koment negativ por siç thonë ata, ndonjëherë kanë hasur në njerëz të cilët i kanë shikuar me habi.
Sipas Veliut, klientët e saj kur e kanë parë për herë të parë e kanë shikuar atë me befasi.
Mirëpo, sipas saj ende duhet kohë që njerëzit të fillojnë të besojnë se gratë që bartin mbulesën nuk janë vetëm fetare, por ato kanë edhe profesionet e tyre që munden t’i ushtrojnë pa asnjë pengesë.
