Kërkohet “trajtim i dinjitetshëm” për viktimat e dhunës seksuale

Qindra qytetarë protestuan sot në mbështetje të viktimave të dhunës seksuale gjatë luftës së fundit në Kosovë. Me moton “Më trajto dinjitetshëm”, organizatorët e kësaj proteste kërkuan që të zbardhet e vërteta rreth një fotografie të publikuar nga deputetja Flora Brovina, e cila dyshohet të jetë marrë nga një ueb faqe me përmbajtje pornografike. Besohet se 20 mijë gra dhe burra janë viktima të dhunës seksuale në luftën e fundit në Kosovë.