Kandidatja demokrate për presidente të SHBA-së, Kamala Harris, dhe rivali i saj republikan, Donald Trump, u përplasën për mënyrën se si t’i jepet fund luftës së Rusisë në Ukrainë, në debatin e tyre të parë ballë për ballë përpara zgjedhjeve të nëntorit. Ngjarja u organizua nga ABC News, më 10 shtator, në Filadelfia. Trump refuzoi dy herë të thoshte se është në interesin më të mirë të SHBA-së që Ukraina ta fitonte luftën kundër Rusisë. Harris tha se konflikti ka treguar përse aleatët e NATO-s janë mirënjohës që Trump nuk është më në detyrë. (Përgatitën: Valona Tela dhe Lendi Susuri)