Vazhdojnë operacionet e kërkim-shpëtimit në Bosnje

Autoritetet në Bosnje e Hercegovinë më 6 tetor po vazhdojnë operacionet e kërkim-shpëtimit, por edhe të pastrimit të rrënojave. Reshjet e shiut të enjten dhe të premten shkaktuan vërshime dhe rrëshqitje të dheut në Bosnje, duke lënë të vdekur të paktën 20 persona. Edhe të paktën 10-15 persona konsiderohen të zhdukur. Për shkak të situatës së rënduar, shtete të Bashkimit Evropian, por edhe shtete fqinje i kanë dalë në ndihmë Bosnjës.