Kryeministri i Kosovës, Agim Çeku dhe një pjesë e kabinetit të tij qeveritar, ndodhen për një vizitë zyrtare në Shkup për t’u takuar me udhëheqësit më të lartë të Maqedonisë. Kryeministri i Kosovës fillimisht është takuar me homologun e tij, Vlado Buçkovski, ndërkaq gjatë ditës do të takohet edhe me grupet parlamentare të opozitës, udhëheqësit e partive politike shqiptare në Maqedoni dhe ambasadorët e shteteve anëtare të Grupit të Kontaktit në Shkup. Temë diskutimesh në të gjitha këto takime pritet të jenë çështjet ekonomike, marrëdhëniet dypalëshe dhe padyshim çështja e përcaktimit të vijës kufitare mes Kosovës dhe Maqedonisë. Qeveria e Kosovës, nëpërmjet një deklarate për shtyp, ka rikonfirmuar qëndrimin e saj se demarkacioni I kufirit me Maqedoninë është një çështje teknike, e cila duhet të zgjidhet pasi të jetë përcaktuar statusi politik I Kosovës.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
