I dërguari i posaçëm i Kombeve të Bashkuara për statusin e Kosovës, Martti Ahtisaari, mori mbështetje të plotë nga Këshilli i Sigurimit i Kombeve të Bashkuara, për vazhdimin e përpjekjeve diplomatike në këtë proces. Ai raportoi sot para anëtarëve të Këshillit, në lidhje me bisedimet në Vjenë dhe rezultatet e vizitës së tij në Prishtinë e Beograd. Ahtisari nuk dha detaje për takimin, por tha se mbetet optimist për gjetjen e zgjidhjes për Kosovën. Nesër ai do të qëndrojë në Uashington, ku pritet të takohet me zyrtarët e lartë amerikanë dhe me përfaqësues të institucioneve ndërkombëtare financiare.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
