Misioni I Kombeve të Bashkuara në Kosovë i është përgjigjur kërkesës së disa të burgosurve në Dubravë, të cilët me grevë urie janë duke kërkuar, siç thuhet, respektimin e të drejtave të tyre, siç janë vizitat e pakufizueshme në shtëpitë e tyre, pushimet e përkohshme dhe zbatimi i amnistisë. Në një komunikatë për opinion, administrata ndërkombëtare ka sqaruar se këto çështje nuk mund të cilësohen si të drejta të burgosurve, por privilegje që ata mund t’i gëzojnë në raste të caktuara. Në bazë të kornizës ligjore në fuqi, autoriteti ekzekutiv për amnisti i takon shefit të administratës ndërkombëtare, por zyrtarë të kësaj administrate kanë thënë se aktualisht, nuk ka rrethana të veçanta që do të mundësonin zbatimin e këtij vendimi.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
