Grevat bllokojnë transportin publik në Gjermani

Rrjeti i transportit në Gjermani do të jetë pothuajse i bllokuar të hënën, për shkak të grevave të dy sindikatave më të mëdha të punëtorëve në këtë shtet.

Stafi i aeroporteve, porteve detare, hekurudhave, autobusëve dhe metrove, ka nisur grevën 24-orëshe, në minutat e parë të së hënës.

Sindikatat janë duke kërkuar paga më të mëdha, ashtu që punëtorët të përballen më lehtë me rritjen e çmimeve.

Më 27 mars, në Gjermani kanë filluar grevat 24-orëshe të punëtorëve të sektorit të transportit publik. Grevat janë organizuar nga dy sindikatat më të mëdha të punëtorëve. Punëtorët e aeroporteve, hekurudhave, autobusëve, metrove dhe porteve detare nisën grevën në minutat e parë të së hënës. Punëtorët po kërkojnë paga më të larta, për shkak të rritjes së çmimeve.

Deri më tani janë mbajtur disa greva më të vogla në Gjermani, mirëpo kjo e së hënës konsiderohet më e madhja në dekada.

Sindikata Verdi përfaqëson rreth 2.5 milionë punëtorë në sektorin publik të Gjermanisë, ndërsa sindikata EVG përfaqëson rreth 230.000 punëtorë.

Verdi kërkon 10.5 për qind rritje të pagës për stafin, ndërsa EVG kërkon rritje prej 12 për qind.

Operatori kombëtar i hekurudhave, Deutsche Bahn, i ka dënuar planet për greva dhe i ka përshkruar si “të pabaza dhe të panevojshme”.