Franca ndaloi shitjen online të prodhimeve të nikotinës dhe kufizoi shitjen e tyre në barnatore, pasi hulumtuesit sugjeruan se nikotina mund të luajë rol në mbrojtjen kundër koronavirusit.
Rregullat e reja mbulojnë produkte si çamçakezët ose fashat e nikotinës, të krijuara për të ndihmuar njerëzit që të ndalojnë pirjen e duhanit.
Javën e kaluar, të dhënat nga një spital në Paris kanë sugjeruar se duhanpirësit kanë më pak gjasa që të preken me COVID-19, sëmundjen që e shkakton koronavirusi.
Studimet në Francë pritet të vazhhdojnë.
Franca, deri më tash, ka regjistruar mbi 22,000 viktima nga koronavirusi.
Autoritetet planifikojnë t’i heqin gradualisht masat e izolimit nga 11 maji.
- Për më shumë lajme rreth koronavirusit përcilleni blogun e Radios Evropa e Lirë.
