Kryeministrja e Zelandës së Re njoftoi se që nga mesnata e së dielës, të gjithë personat që do të hyjnë në shtet duhet të vetizolohen, me qëllim që të parandalohet përhapja e koronavirusit të ri.
Kryeministrja Jacinda Ardern, tha se masat e reja do të aplikohen edhe për shtetasit e Zelandës së Re që kthehen në atdhe.
“Kjo kohë është e paprecedentë”, tha Ardern, teksa shpjegoi këto masa të reja.
Ajo shtoi se masat e reja të ndërmarra do të rishqyrtohen nga autoritetet pas 16 ditësh.
Po ashtu, autoritetet e Zelandës së Re, shtoi ajo, kanë ndaluar udhëtimet detare deri më 30 qershor, por këtu nuk përfshihen transportet e mallrave që vijnë përmes detit dhe ajrit.
