Sekretari i Përgjithshëm i Kombeve të Bashkuara, Antonio Guterres ka thënë se bota nuk është “në rrugën e duhur” që të kufizojë rritjen e temperaturave globale për 1,5 gradë Celsius.
Këto komente ai i bëri gjatë vizitës që po zhvillon në Zelandën e Re. Duke folur për mediat, së bashku me kryeministren e Zelandës së Re, Jacinda Ardern, Gutteres paralajmëroi për rreziqet që i kanosen botës duke mos adresuar ndyshimet klimatike.
“Ndryshimet klimatike po ecin më shpejt sesa ne... katër vjetët e fundit kanë qenë vitet më të nxehta të regjistruara ndonjëherë”, ka thënë Guterres.
Sipas një marrëveshjeje për klimën e arritur në Paris më 2015, shtetet janë zotuar se do të kufizojnë rritjen e ngrohjes globale për më shumë se 1,5 gradë Celsius.
Sekretari i Përgjithshëm i OKB-së vizitoi sot Zelandën e Re në kuadër të turneut të tij në shtetet e Paqësorit, që ka në fokus ndryshimet klimatike. Pas Zelandës së Re, ai do të qëndrojë në Tuvalu, Vanuata dhe Fixhi.
