Militantët palistanezë në Rripin e Gazës, kanë lansuar të paktën 100 raketa në drejtim të Izraelit jugor të shtunën, raporton ushtria izraelite.
Ministria e Shëndetësisë në Gaza, tha se një 22 vjeçar është vrarë nga sulmet ajrore ndërsa nuk është raportuar për viktima të tjera.
Shpërthimi i luftimeve vjen pasi liderët e Hamasit, grup militant që kontrollon Gazën, dhe një grup i vogël islamik ishin në bisedime në Egjipt për të arritur armëpushim.
Ushtria e Izraelit tha se dhjetëra raketa janë shkatërruar nga sistemi mbrojtës dhe se rrugët afër kufirit me Rripin e Gazës ishin mbyllur për civilët.
Tensionet janë rritur ditëve të fundit pas dyshimeve nga Hamasi se Izraeli po e vonon implementimin e armëpushimit të dakorduar.
Të premten, dy palestinezë kanë mbetur të vrarë nga forcat izraelite gjatë protestës javore në kufirin Izrael-Gaza.
