Kryeministri i Kosovës, Ramush Haradinaj, ka emëruar nënkolonelin Rashit Qalaj, Drejtor të Përgjithshëm të Policisë së Kosovës.
Emërimi i tij pasoi detyrën e re që i ishte besuar ish-drejtorit të këtij institucioni, Shpend Maxhuni në postin e Drejtorit të Shërbimit Informativ të Kosovës.
Gjatë mbledhjes së Qeverisë së Kosovës, kryeministri Haradinaj kërkoi edhe votat e ministrave për këtë emërim, edhe pse potencoi se është në kompetencën e tij.
Rashit Qalaj, ka shërbyer si Drejtor i Departamentit të Operacioneve në Policinë e Kosovës.
