Policia gjyqësore në Francë e ka marrë në pyetje truprojen dhe shefin e stafit të kandidates të së djathtës ekstreme për president, Marine Le Pen në kuadër të hetimit për pagesa të paligjshme përmes financave të Bashkimit Evropian.
Lajmi i raportuar nga Reuters mbështetet në deklaratën e avokatit të Le Penit.
Akuza që rëndon mbi ekipin e Le Pen është se ajo ka shfrytëzuar ilegalisht fondet e BE-së për të paguar asistentët e saj parlamentar.
Marcel Ceccaldi i ka thënë Reuters se afera është një “manipulim” që ka qëllim destabilizimin e fushatës zgjedhore të Frontit Kombëtar, subjetktit që e drejton Le Pen.
Ajo më parë e ka hedhur poshtë akuzën kundër saj.
