Shëndeti i mirë mendor dhe të pasurit partner i bën njerëzit më të lumtur sesa dyfishimi i të ardhurave të tyre.
Në studimin që ka kryer London School of Economics, 200,000 njerëz janë pyetur për faktorët që ndikojnë në mirëqenien e tyre.
Vuajtja nga depresioni ose ankthi i godet më së shumti njerëzit, ndërsa të qenët në marrëdhënie me një grua/burrë i lumturon ata.
Bashkautori i raportit, Richar Layard, tha se gjetjet tregojnë se shteti duhet të luajë rol të ri në lumturinë e qytetarëve, duke u fokusuar më shumë në “krijimin e mirëqenies” sesa “krijimin e pasurisë”.
“Gjetjet tregojnë se gjërat që ndikojnë lumturinë dhe vuajtjen tonë janë marrëdhëniet shoqërore dhe shëndeti mendor e fizik”, tha Layard.
Studimi është bazuar në disa anketa ndërkombëtare nga e gjithë bota.
