Presidenti turk, Recep Tayyip Erdogan thotë se një nga sulmuesit e Brukselit ishte kapur në qershor në Turqi dhe se ai ishte deportuar në Belgjikë.
Erdogan tha sot se autoritetet belge e kishin liruar të dyshuarin, pavarësisht paralajmërimeve nga ana e Turqisë se ai ishte “luftëtar i huaj”.
Presidenti turk nuk e përmendi emrin e sulmuesit, por tha se ai person ishte arrestuar në kufirin e Turqisë me Sirinë, në Gaziantep, dhe se Turqia zyrtarisht i kishte njoftuar autoritetet belge për deportimin e tij më 14 korrik.
Erdogan tha se “përkundër paralajmërimeve tona se ai person ishte luftëtar i huaj terrorist, Belgjika nuk kishte gjetur asnjë lidhje të tij me terrorizmin”.
