Gratë kanë parë vetëm “përmirësime margjinale” në aspektin e punës, gjatë 20 vjetëve të fundit.
Në raportin më të ri të saj, Organizata Ndërkombëtare e Punës thotë se diferenca në normën e punësimit midis burrave dhe grave është zvogëluar për 0.6 përqind qysh në vitin 1995.
Në vendet ku gratë kanë qasje më të lehtë në punë, cilësia e punës së tyre “mbetet çështje shqetësuese”, thuhet në raport.
Gjetjet janë publikuar sot, kur edhe shënohet Dita Ndërkombëtare e Gruas.
Raporti ka mbledhur të dhëna nga 178 vende dhe ka gjetur se shkalla e pjësëmarrjes së grave në punë ka qenë 25.5 përqind më e ulët se e burrave, në vitin 2015.
Po sipas raportit, gratë vazhdojnë të punojnë orë më të gjata në ditë sesa burrat.
