Selimi: Nuk ka seanca pa tërheqjen e nënshkrimeve
Pas daljes nga salla e Kuvendit të Kosovës, deputeti i Lëvizjes Vetëvendosje, Rexhep Selimi ka deklaruar se nuk mund të ketë zhvillime normale të punës në Kuvend, përderisa qeveria të mos i tërheq nënshkrimet nga marrëveshjet me Serbinë dhe Malin e Zi.
Bëhet fjalë për marrëveshjen për Asociacionin e Komunave me Shumicë Serbe, përkatësisht marrëveshjen për demarkacionin e kufirit me Malin e Zi.
Konjufca: Policia na ndihmoi për gazin lotsjellës
Deputeti i Lëvizjes Vetëvendosje, Glauk Konjufca u ka thënë medieve se gazin lotsjellës në Kuvend e kanë futur më herët, dhe për këtë janë ndihmuar nga Policia e Kosovës.
“Na ka ndihmuar Policia, ata na kanë furnizuar, pasi edhe ata e dinë se me këto marrëveshje po dëmtohet Kosova”, ka theksuar Konjufca.
Prokuroria heton zhvillimet në Kuvendin e Kosovës
Prokuroria e Shtetit ka nisur menjëherë hetimet pas incidentit të sotshëm në Kuvendin e Kosovës, kur deputetë të opozitës kanë hedhur gaz lotsjellës për të pamundësuar vazhdimin e seancës.
Sipas pamjeve të filmuara sot, vërehet deputeti Faton Topalli nga Lëvizja Vetëvendosje kur e hedh gazin lotsjellës.
Një hetim i ngjashëm është duke u zhvilluar edhe ndaj deputetëve Albin Kurti e Albulena Haxhiu, po nga Lëvizja Vetëvendosje për një veprim të ngjashëm javën e kaluar.
