Ndërlidhjet

Një 12-vjeçare me IQ më të lartë se Einstein dhe Hawking


Ilustrim (©Shutterstock)
Ilustrim (©Shutterstock)

Një 12-vjeçare britanike, e cila kishte një parandjenjë se është shumë e mençur, i është nënshtruar me dëshirë një testi të vështirë për matjen e inteligjencës dhe rezultati i testit ka dëshmuar se kishte të drejtë.

Lydia Sebastian ka arritur 162 pikë, maksimumin e mundshëm, në testin Mensa, një institucion britanik me nam botëror, në të cilin mund të anëtarësohen vetëm ata që kanë shkallë të lartë inteligjence, IQ.

Vetëm 1% e nga më pak se 1,500 anëtarët e Mensas e kanë arritur këtë rezultat.

Ekspertët kanë thënë se rezultati i Lydias, në moshën që ka, e bën atë më inteligjente se gjenitë e njohur botërisht, si Albert Einstein dhe Stephen Hawking.

Megjithatë, duke folur për rrjetin televiziv amerikan CNN, Lydia mendon se është e padrejtë të krahasohet me “intelektualë aq të mëdhenj, siç janë Einstein dhe Hawking”.

“Ata kanë arritur aq shumë, krahasimi nuk është i drejtë”, ka thënë ajo.

Përdorimi i përmbajtjes sonë

⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.

Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.

XS
SM
MD
LG