Shpërthimi i Ebolës në Afrikën Perëndimore është sfida më e madhe që prej shfaqjes së virusit HIV/AIDS, ka thënë Thomas Frieden, drejtor i Qendrës për Kontrollin e Sëmundjeve në Shtetet e Bashkuara.
Ai i ka bërë këto komente gjatë një forumi të Bankës Botërore në lidhje me krizën. Shpërthimi i Ebolës këtë vit ka vrarë mbi 3,860 njerëz, shumica në Afrikën Perëndimore.
Në mesin e viktimave janë edhe mbi 200 punëtorë shëndetësorë. “Gjatë 30 vjetëve,sa kam punuar në shëndetin publik, e vetmja gjë si kjo ka qenë SIDA”, ka thënë Thomas Frieden.
