Gjykata e Krimeve të Rënda dha të premten masën e sigurisë "arrest me burg" për katër të arrestuarit e tjerë, të cilët akuzohen për terrorizëm.
Gjykatësi Sandër Simoni ua komunikoi masën e sigurisë "arrest me burg" të pandehurve Astrit Tola, Verdi Morava, Orion Reçi dhe Edmond Balla.
Gjyqi u zhvillua nën masa të rrepta sigurie. RENEA dhe forcat e ndërhyrjes së shpejtë rrethuan të gjithë hapësirën e ndërtesës së Krimeve të Rënda, për të shmangur çdo incident të mundshëm.
Dje po kjo gjykatë la në arrest me burg 4 të arrestuarit Bajram Hysa, Genc Balla, Zeqir Imeri dhe Fadil Muslimani.
Më 11 mars 2013, policia kishte arrestuar 8 persona, ndërsa kishte shpallur në kërkim 6 të tjerë nën akuzën e krijimit të celulave të rekrutimit të besimtarëve myslimanë për të luftuar me grupet e opozitës në Siri.
Prokuroria ka ngritur akuzën e dërgimit të rreth 50 personave të rekrutuar prej tyre në Siri. Por, të akuzuarit nuk e kanë pranuar akuzën.
Përballë akuzave për terrorizëm, 4 të arrestuarit që u paraqitën dje në gjykatë, nuk pranuan të marrin avokat, duke thënë, siç u shprehën, se ata i mbron Allahu dhe se rruga që ndjekin, është e drejtë.
Gjykatësi Sandër Simoni ua komunikoi masën e sigurisë "arrest me burg" të pandehurve Astrit Tola, Verdi Morava, Orion Reçi dhe Edmond Balla.
Gjyqi u zhvillua nën masa të rrepta sigurie. RENEA dhe forcat e ndërhyrjes së shpejtë rrethuan të gjithë hapësirën e ndërtesës së Krimeve të Rënda, për të shmangur çdo incident të mundshëm.
Dje po kjo gjykatë la në arrest me burg 4 të arrestuarit Bajram Hysa, Genc Balla, Zeqir Imeri dhe Fadil Muslimani.
Më 11 mars 2013, policia kishte arrestuar 8 persona, ndërsa kishte shpallur në kërkim 6 të tjerë nën akuzën e krijimit të celulave të rekrutimit të besimtarëve myslimanë për të luftuar me grupet e opozitës në Siri.
Prokuroria ka ngritur akuzën e dërgimit të rreth 50 personave të rekrutuar prej tyre në Siri. Por, të akuzuarit nuk e kanë pranuar akuzën.
Përballë akuzave për terrorizëm, 4 të arrestuarit që u paraqitën dje në gjykatë, nuk pranuan të marrin avokat, duke thënë, siç u shprehën, se ata i mbron Allahu dhe se rruga që ndjekin, është e drejtë.
