Rritja ekonomike gjatë këtij viti, nga parashikimet e mëhershme të Qeverisë së Kosovës, konsiderohet të jetë 1.2 për qind më e ulët.
Fondi Monetar Ndërkombëtar parashikon se rritja ekonomike në Kosovë do të jetë vetëm 3.8 për qind, dhe jo 5 për qind, ashtu siç ka planifikuar ekzekutivi i vendit gjatë projeksionit të buxhetit 2012.
Njohës të rrethanave ekonomike, konsiderojnë se vlerësimi i FMN-së sa i përket rritjes ekonomike është profesional dhe real, pasi sipas tyre, parametrat makroekonomik të Qeverisë mbi këtë vlerë kanë qenë të fryra.
Haki Shatri, ish ministër i Ekonomisë dhe Financave, thotë se në bazë të zhvillimeve aktuale ekonomike në vend, vlera 3.8 për qind, edhe pse llogaritet e pamjaftueshme, është objektive.
Ai e quan objektive këtë shifër pasi, sipas tij, misioni i Fondit Monetar Ndërkombëtar është i liruar nga momentet subjektive dhe ndikimet tjera.
Vlerësimet e ndryshme për rritje ekonomike në mes Fondit Monetar Ndërkombëtar dhe Qeverise vendore, obligojnë këtë të fundit të bëjnë ndryshime edhe në buxhetin e këtij viti, thotë Shatri.
“Vetë pranimi i një dinamike prej 3.8 për qind nga ana e Qeverisë nënkupton se duhet adaptuar shifrat e projeksioneve makroekonomike, pra, edhe të hyrat buxhetore”.
“Kjo ka efekte zinxhirore në ndryshimin e të hyrave buxhetore, dhe nëse do të mbajmë kufijtë e shpenzimeve, atëherë do të duhej të shohim të hyra shtesë buxhetore, të cilat do të plotësohen nga burimet alternative”, thekson Shatri.
Edhe profesori i ekonomisë Isa Tahiri, konsideron se Qeveria nuk i ka analizuar mirë faktorët makroekonomikë gjatë përgatitjes se buxhetit të këtij viti.
Si pasojë e këtyre ndryshimeve, ai thotë se do të rritet inflacioni, papunësia dhe varfëria e popullatës.
“Derisa Qeveria nuk e arrin qëllimin për rritjen e punësimit, rritjen e numrit të fabrikave të cilat prodhojnë produkte dhe të cilat nuk eksportojnë mjete të gatshme financiare, dyshohet se gjithnjë do të shkojmë në uljen e përqindjes se ekonomisë së vendit”, thotë Tahiri.
Lidhur më këtë çështje, Haki Shatri thotë se Qeveria nuk i ka bërë publike detajet e marrëveshjes më FMN-në.
Por megjithatë, ai thotë se nga këto ndryshime rrezikohet realizimi i të gjitha projekteve kapitale të parapara në buxhetin e këtij viti.
“Nëse Qeveria vendosë t’i mbajë kufijtë e shpenzimeve të përcaktuara me buxhet, atëherë do të duhej të parashohë të hyra shtesë. Të hyra shtesë ose nga huamarrja, ose nga ngarkesa e ndonjë kategorie tjetër e bizneseve, ose të qytetarëve”.
“Nëse do të zvogëlojë shpenzimet (Qeveria), atëherë duhet të parashihet se ku do të zvogëlohen shpenzimet. Por, mundësia e vetme e zvogëlimit të kufijve të shpenzimeve është te shpenzimi i kategorisë se investimeve kapitale, sepse kategoritë e tjera, fondi i pagave, subvencioneve sociale, pensionet, shërbimet publike, është e pamundur të shpenzohen”, thekson Shatri.
Ndryshe, në prill të vitit të kaluar, Qeveria e Kosovës ka miratuar Planin për Zhvillim Ekonomik për periudhën 2011- 2014, sipas të cilit planifikohet se ekonomia e vendit gjatë kësaj periudhe do të shënojë rritje deri në tetë për qind.
Fondi Monetar Ndërkombëtar parashikon se rritja ekonomike në Kosovë do të jetë vetëm 3.8 për qind, dhe jo 5 për qind, ashtu siç ka planifikuar ekzekutivi i vendit gjatë projeksionit të buxhetit 2012.
Njohës të rrethanave ekonomike, konsiderojnë se vlerësimi i FMN-së sa i përket rritjes ekonomike është profesional dhe real, pasi sipas tyre, parametrat makroekonomik të Qeverisë mbi këtë vlerë kanë qenë të fryra.
Haki Shatri, ish ministër i Ekonomisë dhe Financave, thotë se në bazë të zhvillimeve aktuale ekonomike në vend, vlera 3.8 për qind, edhe pse llogaritet e pamjaftueshme, është objektive.
Ai e quan objektive këtë shifër pasi, sipas tij, misioni i Fondit Monetar Ndërkombëtar është i liruar nga momentet subjektive dhe ndikimet tjera.
Vlerësimet e ndryshme për rritje ekonomike në mes Fondit Monetar Ndërkombëtar dhe Qeverise vendore, obligojnë këtë të fundit të bëjnë ndryshime edhe në buxhetin e këtij viti, thotë Shatri.
“Vetë pranimi i një dinamike prej 3.8 për qind nga ana e Qeverisë nënkupton se duhet adaptuar shifrat e projeksioneve makroekonomike, pra, edhe të hyrat buxhetore”.
“Kjo ka efekte zinxhirore në ndryshimin e të hyrave buxhetore, dhe nëse do të mbajmë kufijtë e shpenzimeve, atëherë do të duhej të shohim të hyra shtesë buxhetore, të cilat do të plotësohen nga burimet alternative”, thekson Shatri.
Edhe profesori i ekonomisë Isa Tahiri, konsideron se Qeveria nuk i ka analizuar mirë faktorët makroekonomikë gjatë përgatitjes se buxhetit të këtij viti.
Si pasojë e këtyre ndryshimeve, ai thotë se do të rritet inflacioni, papunësia dhe varfëria e popullatës.
“Derisa Qeveria nuk e arrin qëllimin për rritjen e punësimit, rritjen e numrit të fabrikave të cilat prodhojnë produkte dhe të cilat nuk eksportojnë mjete të gatshme financiare, dyshohet se gjithnjë do të shkojmë në uljen e përqindjes se ekonomisë së vendit”, thotë Tahiri.
Lidhur më këtë çështje, Haki Shatri thotë se Qeveria nuk i ka bërë publike detajet e marrëveshjes më FMN-në.
Por megjithatë, ai thotë se nga këto ndryshime rrezikohet realizimi i të gjitha projekteve kapitale të parapara në buxhetin e këtij viti.
“Nëse Qeveria vendosë t’i mbajë kufijtë e shpenzimeve të përcaktuara me buxhet, atëherë do të duhej të parashohë të hyra shtesë. Të hyra shtesë ose nga huamarrja, ose nga ngarkesa e ndonjë kategorie tjetër e bizneseve, ose të qytetarëve”.
“Nëse do të zvogëlojë shpenzimet (Qeveria), atëherë duhet të parashihet se ku do të zvogëlohen shpenzimet. Por, mundësia e vetme e zvogëlimit të kufijve të shpenzimeve është te shpenzimi i kategorisë se investimeve kapitale, sepse kategoritë e tjera, fondi i pagave, subvencioneve sociale, pensionet, shërbimet publike, është e pamundur të shpenzohen”, thekson Shatri.
Ndryshe, në prill të vitit të kaluar, Qeveria e Kosovës ka miratuar Planin për Zhvillim Ekonomik për periudhën 2011- 2014, sipas të cilit planifikohet se ekonomia e vendit gjatë kësaj periudhe do të shënojë rritje deri në tetë për qind.
