Kryetari i Partisë Socialiste, Edi Rama, njëkohësisht kandidati i opozitës për Bashkinë e Tiranës, e cilësoi antikushtetuese vendimmarrjen e Komisionit Qendror të Zgjedhjeve.
Ai mbajti një fjalim të ashpër përpara mediave, duke cilësuar gjithçka grabitje dhe deformim të hapur të vullnetit të zgjedhësve.
“Si forca fitimtare e këtyre zgjedhjeve, Partia Socialiste është akoma më e energjizuar, akoma më e vetëdijshme, akoma më e angazhuar që ta çojë përpara betejën e vet me këtë regjim horrllëku, që kërkon t’u imponojë shqiptarëve një model që ne e refuzojmë dhe të cilin do ta shkatërrojmë me fuqinë e rezistencës sonë në të gjitha rrugët demokratike”, tha Rama.
Deklarata e tij vjen një ditë pasi Komisioni Qendror i Zgjedhjeve shpalli tabelën e rezultateve përfundimtare në Tiranë, e cila nxjerr fitues me 81 vota më shumë kandidatin e mazhorancës, Lulzim Basha. Kjo, pasi KQZ-ja numëroi dhe publikoi në tabelën e rezultateve edhe të paktën 250 vota të kontestuara, të cilat ishin hedhur në kuti të gabuara, ndonëse ishin adresuar për kryetarin e bashkisë.
Kandidati i mazhorancës për Bashkinë e Tiranës, Lulzim Basha, tha se i gjithë procesi ishte transparent e ligjor.
“Tani, çdo votë është numëruar dhe zëri i çdo qytetari ka pasur shansin të dëgjohet. Kjo është një fitore e vërtetë, një fitore e demokracisë. Kjo ishte një garë e ngushtë, por, sidoqoftë, këto janë zgjedhje, me të cilat Tirana mund të ndihet vërtet krenare. I gjithë procesi i votimit dhe numërimit në këto zgjedhje ishte i drejtë, transparent dhe i saktë”, tha Basha.
Megjithatë, ai tha se do të festojë fitoren vetëm pas certifikimit përfundimtar të rezultatit të ngushtë për kryeqytetin.
“Unë do të pres deri në përfundimin e procesit. Procesi duhet të vazhdojë në përputhje me ligjin dhe me besim të plotë tek institucionet dhe shteti ligjor”, u shpreh Basha.
Çështja tashmë i ka kaluar për shqyrtim Kolegjit Zgjedhor, pas ankimimit të Partisë Socialiste. Do të jetë ky organ i gjyqësorit që do të vendosë të rrëzojë ose të mbajë rezultatin që nxjerr fitues Lulzim Bashën në garën për Tiranën.
Njoftimi zyrtar i Kolegjit Zgjedhor thotë se me datën 27 maj, ai do të shprehet me vendimin përfundimtar lidhur me këtë çështje.
Ai mbajti një fjalim të ashpër përpara mediave, duke cilësuar gjithçka grabitje dhe deformim të hapur të vullnetit të zgjedhësve.
“Si forca fitimtare e këtyre zgjedhjeve, Partia Socialiste është akoma më e energjizuar, akoma më e vetëdijshme, akoma më e angazhuar që ta çojë përpara betejën e vet me këtë regjim horrllëku, që kërkon t’u imponojë shqiptarëve një model që ne e refuzojmë dhe të cilin do ta shkatërrojmë me fuqinë e rezistencës sonë në të gjitha rrugët demokratike”, tha Rama.
Deklarata e tij vjen një ditë pasi Komisioni Qendror i Zgjedhjeve shpalli tabelën e rezultateve përfundimtare në Tiranë, e cila nxjerr fitues me 81 vota më shumë kandidatin e mazhorancës, Lulzim Basha. Kjo, pasi KQZ-ja numëroi dhe publikoi në tabelën e rezultateve edhe të paktën 250 vota të kontestuara, të cilat ishin hedhur në kuti të gabuara, ndonëse ishin adresuar për kryetarin e bashkisë.
Kandidati i mazhorancës për Bashkinë e Tiranës, Lulzim Basha, tha se i gjithë procesi ishte transparent e ligjor.
“Tani, çdo votë është numëruar dhe zëri i çdo qytetari ka pasur shansin të dëgjohet. Kjo është një fitore e vërtetë, një fitore e demokracisë. Kjo ishte një garë e ngushtë, por, sidoqoftë, këto janë zgjedhje, me të cilat Tirana mund të ndihet vërtet krenare. I gjithë procesi i votimit dhe numërimit në këto zgjedhje ishte i drejtë, transparent dhe i saktë”, tha Basha.
Megjithatë, ai tha se do të festojë fitoren vetëm pas certifikimit përfundimtar të rezultatit të ngushtë për kryeqytetin.
“Unë do të pres deri në përfundimin e procesit. Procesi duhet të vazhdojë në përputhje me ligjin dhe me besim të plotë tek institucionet dhe shteti ligjor”, u shpreh Basha.
Çështja tashmë i ka kaluar për shqyrtim Kolegjit Zgjedhor, pas ankimimit të Partisë Socialiste. Do të jetë ky organ i gjyqësorit që do të vendosë të rrëzojë ose të mbajë rezultatin që nxjerr fitues Lulzim Bashën në garën për Tiranën.
Njoftimi zyrtar i Kolegjit Zgjedhor thotë se me datën 27 maj, ai do të shprehet me vendimin përfundimtar lidhur me këtë çështje.
