Derisa autoritetet kosovare kanë nisur përgatitjet për fillimin e dialogut me Beogradin për, siç thuhet, çështje teknike, përfaqësues të pensionistëve kosovarë dhe ata të Bashkimit të Sindikatave të Pavarura të Kosovës kërkojnë që në këto negociata, Fondi Pensional i Kosovës të jetë çështje diskutimi mes dy vendeve.
Ramë Alihajdaraj, udhëheqës i Shoqatës së Pensionistëve të Kosovës, ia adreson këtë kërkesë zëvendëskryeministres Edita Tahiri, e cila është emëruar udhëheqëse e ekipit kosovar në bisedime.
“Në emër të 60 mijë pensionistëve kontribut-pagues të Republikës së Kosovës, të cilët që plot 11 vjet, pa fajin e tyre, nuk i marrin pensionet e tyre të fituara me punë, kërkojmë që çështja e grabitjes së Fondit Pensional, përkatësisht ndërprerja e pagesës së pensionistëve të Kosovës, të parashihet dhe të përcaktohet si pikë e veçantë në agjendën e negociatave me palën serbe”, thotë Alihajdaraj.
Përmes një komunikate për media, edhe Partia e Pensionistëve të Kosovës ka kërkuar nga autoritetet përgjegjëse që gjatë këtyre bisedimeve, t’i bëjnë presion shtetit serb për t’i kthyer kontributet kosovare.
“Partia e Pensionistëve të Kosovës me të drejtë konsideron se deri më tani Prishtina zyrtare nuk ka bërë asgjë për kthimin e kontributeve të pensionistëve, të cilat u takojnë me ligj”.
“Kjo parti konsideron se as mekanizmat ndërkombëtarë nuk kanë treguar interesim këmbëngulës që fondi i Serbisë t’i përmbushë detyrimet e përcaktuara me rregulloret e shpallura nga vetë ata dhe me konventat ndërkombëtare ndaj pensionistëve të Kosovës”, thuhet në komunikatën e kësaj partie.
Edhe Bashkimi i Sindikatave të Pavarura të Kosovës kërkon që Fondi Pensional të jetë në agjendën e bisedimeve në mes të Prishtinës dhe Beogradit.
Lidhur me këtë, Xhafer Xhaferi, nga kjo sindikatë, thotë:
“Në bisedimet teknike që do të bëhen, gjithsesi duhet të ketë përfaqësues dhe individë që e njohin mirë këtë problematikë. Duhet të bëhen llogaritë përkatëse se sa borxhe ka Serbia ndaj pensionistëve. Do të duhej që edhe kjo të hynte si kërkesë themelore e pensionistëve të Kosovës”.
Me rrënimin e autonomisë së Kosovës nga ish-Jugosllavia, kontributet e pensionistëve kosovarë, në mënyrë antiligjore, ishin bartur në shtetin serb.
Vlerësimet e bëra nga Sindikata e Pavarur e Pensionistëve dhe Invalidëve të Kosovës flasin për rreth 2 miliardë euro borxh të Serbisë ndaj pensionistëve kosovarë.
Ramë Alihajdaraj, udhëheqës i Shoqatës së Pensionistëve të Kosovës, ia adreson këtë kërkesë zëvendëskryeministres Edita Tahiri, e cila është emëruar udhëheqëse e ekipit kosovar në bisedime.
“Në emër të 60 mijë pensionistëve kontribut-pagues të Republikës së Kosovës, të cilët që plot 11 vjet, pa fajin e tyre, nuk i marrin pensionet e tyre të fituara me punë, kërkojmë që çështja e grabitjes së Fondit Pensional, përkatësisht ndërprerja e pagesës së pensionistëve të Kosovës, të parashihet dhe të përcaktohet si pikë e veçantë në agjendën e negociatave me palën serbe”, thotë Alihajdaraj.
Përmes një komunikate për media, edhe Partia e Pensionistëve të Kosovës ka kërkuar nga autoritetet përgjegjëse që gjatë këtyre bisedimeve, t’i bëjnë presion shtetit serb për t’i kthyer kontributet kosovare.
“Partia e Pensionistëve të Kosovës me të drejtë konsideron se deri më tani Prishtina zyrtare nuk ka bërë asgjë për kthimin e kontributeve të pensionistëve, të cilat u takojnë me ligj”.
“Kjo parti konsideron se as mekanizmat ndërkombëtarë nuk kanë treguar interesim këmbëngulës që fondi i Serbisë t’i përmbushë detyrimet e përcaktuara me rregulloret e shpallura nga vetë ata dhe me konventat ndërkombëtare ndaj pensionistëve të Kosovës”, thuhet në komunikatën e kësaj partie.
Edhe Bashkimi i Sindikatave të Pavarura të Kosovës kërkon që Fondi Pensional të jetë në agjendën e bisedimeve në mes të Prishtinës dhe Beogradit.
Lidhur me këtë, Xhafer Xhaferi, nga kjo sindikatë, thotë:
“Në bisedimet teknike që do të bëhen, gjithsesi duhet të ketë përfaqësues dhe individë që e njohin mirë këtë problematikë. Duhet të bëhen llogaritë përkatëse se sa borxhe ka Serbia ndaj pensionistëve. Do të duhej që edhe kjo të hynte si kërkesë themelore e pensionistëve të Kosovës”.
Me rrënimin e autonomisë së Kosovës nga ish-Jugosllavia, kontributet e pensionistëve kosovarë, në mënyrë antiligjore, ishin bartur në shtetin serb.
Vlerësimet e bëra nga Sindikata e Pavarur e Pensionistëve dhe Invalidëve të Kosovës flasin për rreth 2 miliardë euro borxh të Serbisë ndaj pensionistëve kosovarë.
