Kuvendi i Kosovës i dalë nga zgjedhjet e 12 dhjetorit mbajti seancën konstituive, ku zgjodhi sërish Jakup Krasniqin kryetar dhe votoi për pesë nënkryetarët e rinj të legjislaturës. Në mungesë të kërkesës, seanca për votimin e presidentit dhe Qeverisë, u shty për të martën. Nënkryetari i PDK-së, Hajredin Kuçi, tha se PDK-ja do të thërrasë seancë të jashtëzakonshme për të martën ku do të votohet për presidentin dhe Qeverinë e re.
Përbërja e re e Kuvendit të Kosovës mbajti të hënën seancën e parë konstituive. Pjesa e parë e seancës u drejtua nga Flora Brovina, si deputetja më e moshuar, e asistuar edhe nga deputetja më e re nga mosha, Biserka Kostiq.
Pas verifikimit të mandateve, deputetët dhanë betimin, pastaj zgjodhën Jakup Krasiqin sërish për kryetar të Kuvendit, si dhe pesë nënkryetarët, Xhavit Halitin e PDK-së, Sabri Hamitin e LDK-së, Glauk Konjufcën nga Vetëvendosje, si dhe Petar Miletiqin nga pakica serbe dhe Enis Kermanin nga komunitetet jo serbe.
Gjatë betimit, deputetët e Vetëvendosjes mbajtën mbi tavolinë nga një flamur kombëtar shqiptar. Sidoqoftë, ata pranuan të betohen dhe të nënshkruajnë deklaratën.
Në adresimin e tij të parë para legjislaturës së re, kryetari i rizgjedhur, Jakup Krasniqi, tha se Kuvendi do të ketë para vetes detyra dhe objektiva, të cilat duhet realizuar gjatë mandatit të ardhshëm katërvjeçar.
“Gjatë kësaj udhëheqjeje të Kuvendit në mandatin e katërt, ju siguroj juve dhe qytetarëve të Republikës së Kosovës se gjithçka do të jetë mbi bazën e Kushtetutës së Republikës dhe Rregullores së punës së Kuvendit”, tha Krasniqi.
Menjëherë pas seancës së parë konstituive, Jakup Krasniqi thirri në mbledhje Kryesinë e re të Kuvendit. Ai fillimisht paralajmëroi edhe mundësinë që pasdite të thirrej një seancë tjetër, në të cilën do të zgjidheshin presidenti dhe Qeveria e re e Kosovës.
Por, doli që partitë e koalicionit, sidomos PDK-ja, si partia më e madhe, ende nuk ishte gati që të hynte në procedurat e votimit.
Pas mbledhjes së Kryesisë, Krasniqi iu drejtua deputetëve, që po prisnin vendimet e reja, duke thënë se nuk ka kërkesë nga koalicioni për seancë plenare, në të cilën do të votohej për presidentin dhe Qeverinë e re.
Për sqarime para Kuvendit, fjalën e mori nënkryetari i PDK-së, Hajredin Kuçi. Ai tha se PDK-ja do të thërrasë seancën e jashtëzakonshme për të martën.
“Ne kemi deponuar sot një kërkesë për mbledhje të jashtëzakonshme për nesër në orën 15:00 me këtë rend dite, zgjedhja e presidentit të Republikës së Kosovës dhe zgjedhja e Qeverisë së Republikës së Kosovës”, sqaroi Kuçi.
Në anën tjetër, opozita nga dita e parë e cilësoi këtë koalicion ende të pazyrtarizuar si Qeveri në Kuvend, si koalicion të pakicës.
Deputeti i LDK-së, Lutfi Haziri, tha se i propozuari për president, Behxhet Pacolli, dhe Qeveria e re Thaçi, nuk do t’i kenë votat e LDK-së, ngase ballafaqohen me krizë legjitimiteti.
“Ne nuk do të bëjmë sehir në Parlament, ose votojmë kundër ose dalim jashtë, ky është qëndrimi ynë politik. Por, qeveria e pakicës dhe presidenti i pakicës sot e tutje do të kenë problem me legjitimitet dhe kjo ka për t’i përcjellë si hije”, theksoi Haziri.
Kundër mbështetjes së kandidaturës së Behxhet Pacollit për president dhe Qeverisë së re Thaçi, u shpreh edhe Ardian Gjini në emër të Aleancës për Ardhmërinë e Kosovës.
”Qëndrimi i AAK-së është se nuk do të votojmë për president të Kosovës dhe përfundimisht nuk do të votojmë për qeverinë e ardhshme të Kosovës. Nuk do të marrim pjesë fare në votim”, u shpreh Gjini.
Ndërkaq, deputetët e subjektit tjetër opozitar, Vetëvendosje, deklaruan se pozicionimin e tyre karshi votimit për presidentin dhe qeverinë do ta bëjnë publik gjatë seancës.
Përbërja e re e Kuvendit të Kosovës mbajti të hënën seancën e parë konstituive. Pjesa e parë e seancës u drejtua nga Flora Brovina, si deputetja më e moshuar, e asistuar edhe nga deputetja më e re nga mosha, Biserka Kostiq.
Pas verifikimit të mandateve, deputetët dhanë betimin, pastaj zgjodhën Jakup Krasiqin sërish për kryetar të Kuvendit, si dhe pesë nënkryetarët, Xhavit Halitin e PDK-së, Sabri Hamitin e LDK-së, Glauk Konjufcën nga Vetëvendosje, si dhe Petar Miletiqin nga pakica serbe dhe Enis Kermanin nga komunitetet jo serbe.
Gjatë betimit, deputetët e Vetëvendosjes mbajtën mbi tavolinë nga një flamur kombëtar shqiptar. Sidoqoftë, ata pranuan të betohen dhe të nënshkruajnë deklaratën.
Në adresimin e tij të parë para legjislaturës së re, kryetari i rizgjedhur, Jakup Krasniqi, tha se Kuvendi do të ketë para vetes detyra dhe objektiva, të cilat duhet realizuar gjatë mandatit të ardhshëm katërvjeçar.
“Gjatë kësaj udhëheqjeje të Kuvendit në mandatin e katërt, ju siguroj juve dhe qytetarëve të Republikës së Kosovës se gjithçka do të jetë mbi bazën e Kushtetutës së Republikës dhe Rregullores së punës së Kuvendit”, tha Krasniqi.
Menjëherë pas seancës së parë konstituive, Jakup Krasniqi thirri në mbledhje Kryesinë e re të Kuvendit. Ai fillimisht paralajmëroi edhe mundësinë që pasdite të thirrej një seancë tjetër, në të cilën do të zgjidheshin presidenti dhe Qeveria e re e Kosovës.
Por, doli që partitë e koalicionit, sidomos PDK-ja, si partia më e madhe, ende nuk ishte gati që të hynte në procedurat e votimit.
Pas mbledhjes së Kryesisë, Krasniqi iu drejtua deputetëve, që po prisnin vendimet e reja, duke thënë se nuk ka kërkesë nga koalicioni për seancë plenare, në të cilën do të votohej për presidentin dhe Qeverinë e re.
Për sqarime para Kuvendit, fjalën e mori nënkryetari i PDK-së, Hajredin Kuçi. Ai tha se PDK-ja do të thërrasë seancën e jashtëzakonshme për të martën.
“Ne kemi deponuar sot një kërkesë për mbledhje të jashtëzakonshme për nesër në orën 15:00 me këtë rend dite, zgjedhja e presidentit të Republikës së Kosovës dhe zgjedhja e Qeverisë së Republikës së Kosovës”, sqaroi Kuçi.
Në anën tjetër, opozita nga dita e parë e cilësoi këtë koalicion ende të pazyrtarizuar si Qeveri në Kuvend, si koalicion të pakicës.
Deputeti i LDK-së, Lutfi Haziri, tha se i propozuari për president, Behxhet Pacolli, dhe Qeveria e re Thaçi, nuk do t’i kenë votat e LDK-së, ngase ballafaqohen me krizë legjitimiteti.
“Ne nuk do të bëjmë sehir në Parlament, ose votojmë kundër ose dalim jashtë, ky është qëndrimi ynë politik. Por, qeveria e pakicës dhe presidenti i pakicës sot e tutje do të kenë problem me legjitimitet dhe kjo ka për t’i përcjellë si hije”, theksoi Haziri.
Kundër mbështetjes së kandidaturës së Behxhet Pacollit për president dhe Qeverisë së re Thaçi, u shpreh edhe Ardian Gjini në emër të Aleancës për Ardhmërinë e Kosovës.
”Qëndrimi i AAK-së është se nuk do të votojmë për president të Kosovës dhe përfundimisht nuk do të votojmë për qeverinë e ardhshme të Kosovës. Nuk do të marrim pjesë fare në votim”, u shpreh Gjini.
Ndërkaq, deputetët e subjektit tjetër opozitar, Vetëvendosje, deklaruan se pozicionimin e tyre karshi votimit për presidentin dhe qeverinë do ta bëjnë publik gjatë seancës.
