Fshatarët në provincën jugore afgane të Helmandit thonë se nëntë civilë e kanë humbur jetën nga një sulm ajror amerikan, përfshirë gra dhe fëmijë.
Por autoritetet e Afganistanit thanë se të gjithë që janë vrarë në sulmin e djeshëm ishin militantë.
Rreth 300 fshatarë i nxorrën kufomat në rrugët e qytetit Lashgar Kah, duke pretenduar se u përkisnin civilëve, të cilët ishin duke punuar në fushë.
NATO nuk ka bërë ndonjë koment.
