Administrata e Kombeve të Bashkuara në Kosovë pritet që gjatë javëve të ardhshme të fillojë procesin e rikonfigurimit, të parashikuar edhe me letrën për rikonfigurim të Sekretarit Gjeneral, Ban Ki-moon.
Procesi, gjatë të cilit priten zvogëlime të stafit për rreth 70%, sipas UNMIK-ut, do të ndodhë në tërë territorin e vendit, duke filluar me mbylljen e departamentit të administrimit civil dhe Zyrës për kthim dhe komunitete.
"Funksionet e disa zyrave do të pushojnë që nga e hëna e ardhshme dhe njerëzit do të fillojnë t'i marrin dokumentet për dalje nga puna. Rikonfigurimi në tërësi nënkupton zvogëlimin e stafit për 70% dhe do të përfshijë të gjitha zyrat në mbarë Kosovën”.
“Kjo do të fillojë me departamentin e administrimit civil, i cili do të mbyllet të hënën e ardhshme, pastaj do të mbyllet edhe Zyra për kthim dhe komunitete, si dhe disa zyra të tjera. Është një proces i vazhdueshëm, i cili do të zgjasë disa muaj", thotë zëdhënësi i UNMIK-ut, Alexander Ivanko.
Sipas Ivankos, procesi i ristrukturimit të administratës së OKB-së në Kosovë ndodh në përputhje me rrethanat e krijuara në terren, ndërkohë që sektorët si doganat në veri, prapë do të mbeten nën ombrellën e përgjegjësive të administratës ndërkombëtare.
"Në fakt përfshin të dyja; rikonfigurimi i UNMIK-ut bazohet në rrethanat dhe substancialisht përbën zvogëlimin për rreth dy të tretat", thotë zëdhënësi i administratës.
Analistët në Kosovë vlerësojnë se procesi i rikonfigurimit të UNMIK-ut do të ndryshojë edhe rolin e deritanishëm të Kombeve të Bashkuara në vend, i cili, sipas tyre, do të ndodhë në përputhje me zhvillimet në terren, do të kalojë nga roli administrativ në një rol më të fuqishëm politik.
Lulëzim Peci, nga Instituti KIPRED, sqaron:
"Rikonfigurimi i UNMIK-ut është përshtatje e rrethanave në terren, kështu që në esencë tani UNMIK do të ndërrojë shumë në aspektin e vet, pra prej aspektit administrativ do të ketë rol shumë më të madh politik".
Sipas analistit Peci, veriu i Kosovës do të vazhdojë të mbetet edhe më tutje çështja më problematike në mbarë vendin, e cila nuk do të mund të zgjidhet as me vendosjen e misionit të Bashkimit Evropian, EULEX, në atë pjesë.
"Po, mbetja e doganave... nuk mendoj se doganat do të mbeten në mënyrë klasike në duart e UNMIK-ut, sepse rrethanat do të ndryshojnë shumë. Por, sa i përket fjalës së fundit në veri, unë fatkeqësisht mund të them se aty askush nuk e ka fjalën e fundit momentalisht, as nuk e ka UNMIK-u, as nuk e kanë institucionet e Kosovës, as institucionet paralele të Serbisë", tha Peci.
Gjatë procesit të rikonfigurimit të administratës së OKB-së në Kosovë është paraparë të bëhet bartja e kompetencave nga UNMIK-u te misioni EULEX dhe Zyra Civile Ndërkombëtare, duke përfshirë sektorë të ndryshëm.
Ndërkohë, për disa çështje, si policia, gjyqësia, dogana, e të cilat janë akoma të padefinuara ndërmjet Prishtinës dhe Beogradit, pritet të zhvillohen bisedime shtesë të mbikëqyrura nga UNMIK në javët që vijnë.
Ndryshimi i rrethanave politike si dhe qasjet totalisht të kundërta ndërmjet Serbisë dhe Kosovës duket se do të ndikojnë edhe në përgjegjësitë dhe rolin e UNMIK-ut në të ardhmen.
Procesi, gjatë të cilit priten zvogëlime të stafit për rreth 70%, sipas UNMIK-ut, do të ndodhë në tërë territorin e vendit, duke filluar me mbylljen e departamentit të administrimit civil dhe Zyrës për kthim dhe komunitete.
"Funksionet e disa zyrave do të pushojnë që nga e hëna e ardhshme dhe njerëzit do të fillojnë t'i marrin dokumentet për dalje nga puna. Rikonfigurimi në tërësi nënkupton zvogëlimin e stafit për 70% dhe do të përfshijë të gjitha zyrat në mbarë Kosovën”.
“Kjo do të fillojë me departamentin e administrimit civil, i cili do të mbyllet të hënën e ardhshme, pastaj do të mbyllet edhe Zyra për kthim dhe komunitete, si dhe disa zyra të tjera. Është një proces i vazhdueshëm, i cili do të zgjasë disa muaj", thotë zëdhënësi i UNMIK-ut, Alexander Ivanko.
Sipas Ivankos, procesi i ristrukturimit të administratës së OKB-së në Kosovë ndodh në përputhje me rrethanat e krijuara në terren, ndërkohë që sektorët si doganat në veri, prapë do të mbeten nën ombrellën e përgjegjësive të administratës ndërkombëtare.
"Në fakt përfshin të dyja; rikonfigurimi i UNMIK-ut bazohet në rrethanat dhe substancialisht përbën zvogëlimin për rreth dy të tretat", thotë zëdhënësi i administratës.
Analistët në Kosovë vlerësojnë se procesi i rikonfigurimit të UNMIK-ut do të ndryshojë edhe rolin e deritanishëm të Kombeve të Bashkuara në vend, i cili, sipas tyre, do të ndodhë në përputhje me zhvillimet në terren, do të kalojë nga roli administrativ në një rol më të fuqishëm politik.
Lulëzim Peci, nga Instituti KIPRED, sqaron:
"Rikonfigurimi i UNMIK-ut është përshtatje e rrethanave në terren, kështu që në esencë tani UNMIK do të ndërrojë shumë në aspektin e vet, pra prej aspektit administrativ do të ketë rol shumë më të madh politik".
Sipas analistit Peci, veriu i Kosovës do të vazhdojë të mbetet edhe më tutje çështja më problematike në mbarë vendin, e cila nuk do të mund të zgjidhet as me vendosjen e misionit të Bashkimit Evropian, EULEX, në atë pjesë.
"Po, mbetja e doganave... nuk mendoj se doganat do të mbeten në mënyrë klasike në duart e UNMIK-ut, sepse rrethanat do të ndryshojnë shumë. Por, sa i përket fjalës së fundit në veri, unë fatkeqësisht mund të them se aty askush nuk e ka fjalën e fundit momentalisht, as nuk e ka UNMIK-u, as nuk e kanë institucionet e Kosovës, as institucionet paralele të Serbisë", tha Peci.
Gjatë procesit të rikonfigurimit të administratës së OKB-së në Kosovë është paraparë të bëhet bartja e kompetencave nga UNMIK-u te misioni EULEX dhe Zyra Civile Ndërkombëtare, duke përfshirë sektorë të ndryshëm.
Ndërkohë, për disa çështje, si policia, gjyqësia, dogana, e të cilat janë akoma të padefinuara ndërmjet Prishtinës dhe Beogradit, pritet të zhvillohen bisedime shtesë të mbikëqyrura nga UNMIK në javët që vijnë.
Ndryshimi i rrethanave politike si dhe qasjet totalisht të kundërta ndërmjet Serbisë dhe Kosovës duket se do të ndikojnë edhe në përgjegjësitë dhe rolin e UNMIK-ut në të ardhmen.
