Ish-shefi i policisë sekrete të Serbisë Jovica Stanishiç mbërriti sot në Hagë dhe u transferua në qendrën e paraburgimit të Tribunalit të Hagës për krime lufte. Aktakuza e ngarkon Stanishiçin për krime lufte dhe krime kundër njerëzimit gjatë luftërave në Kroaci dhe në Bosnjë. Ai akuzohet se ka ndihmuar në krijimin e njësiteve sekrete paramilitare serbe për pastrim etnik. Stanishiç akuzohet bashkë me ish-komandantin e policisë speciale Franko Simatoviç, i cili gjendet në Hagë nga muaji i kaluar.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
