Anëtarët e një delegacioni jozyrtar amerikan kanë thënë sot se kanë vizituar kapacitetet bërthamore në Jonbion të Koresë Veriore. Pas kthimit nga Pheniani, profesori nga Universiteti anerikan Stanford, John Lewis tha se pesë amerikanëve që ishin për vizitë në Korenë Veriore u është lejuar të shohin çdo gjë që kishin kërkuar. Vizitorët amerikanë nuk dhanë detaje të tjera për këtë vizitë duke thënë se së pari do të raportojnë në Uashington. Agjencia zyrtare e lajmeve e Koresë Veriore ka kumtuar sot se ky vend i ka treguar, siç thuhet, "forcën bërthamore të sigurisë" një delegacioni jozyrtar amerikan.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
