Përfaqësuesi i lartë i Bashkësisë ndërkombëtare në Bosnjë, Paddy Ashdown ka suspenduar sot të gjitha të drejtat e autoriteteve të Bosnjë Hercegovinës për ti amnistuar kriminelët. Në një konferencë për shtyp, zoti Ashdown tha se vendimi i tij ka për qëllim që ti ndalë zyrtarët më të lartë të Federatës boshnjako – kroate dhe të Republikës serbe nga keqpërdorimi i autoritetit duke amnistuar miqtë ose kolegët partiakë. Ky vendim u bë një javë pasi presidenti i Federatës boshnjako-kroate, Niko Lozaniq amnistoi ish zyrtarin e lartë të kësaj federate Mirosllav Përçe, që ishte i dënuar me burgim pesëvjeçar për keqpërdorime financiare.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
