Zjarri vdekjeprurës që tronditi jugafrikanët
Ekipet e shpëtimit dhe zjarrfikësit shihen pranë trupave të viktimave nga zjarri vdekjeprurës në një ndërtesë në Johanesburg, Afrika e Jugut, 31 gusht 2023. Si pasojë e zjarrit në ndërtesën shumëkatëshe humbën jetën më shumë se 70 persona.
Zjarrfikësit duke ecur pranë ndërtesës tashmë të djegur në Johannesburg, Afrika e Jugut, 31 gusht 2023.
Shërbimi Emergjent i Johanesburgut tha se më shumë se 50 persona të tjerë u lënduan nga zjarri, i cili shpërtheu në orët e hershme të 31 gushtit.
“Po shkojmë nga kati në kat për t’i tërhequr trupat. Kjo është një ditë e trishtueshme për qytetin e Johanesburgut. Unë kurrë nuk kam parë diçka të tillë gjatë 20 vjetëve sa jam në shërbim”, tha Robert Mulaudzi, zëdhënës i Shërbimit Emergjent.
Disa banorë duke qarë pranë vendit të ngjarjes.
Trupat e mbuluar të viktimave që humbën jetën si pasojë e zjarrit vdekjeprurës në orët e para të mëngjesit të 31 gushtit në Johannesburg, Afrika e Jugut.
Në mesin e viktimave është edhe një fëmijë, njoftuan zyrtarët e shërbimeve emergjente.
Sipas autoriteteve, ende nuk është e qartë se çfarë e ka shkaktuar zjarrin në ndërtesë.
Ekipet e emergjencës shihen pranë trupave të viktimave.
Dy gra duke qarë pranë trupave të viktimave nga zjarri që kaploi një ndërtesë shumëkatëshe në orët e para të mëngjesit në Johannesburg.
Në ndërtesë mund të kenë qenë duke jetuar rreth 200 njerëz, sipas dëshmitarëve.
Zjarrfikësit duke punuar në vendin e ngjarjes.
Njerëzit e mbledhur pranë vendit të ngjarjes në Johannesburg.