Ushtria ruse i ka sulmuar kryeqytetin e Ukrainës, Kiev, si dhe qytetin e dytë më të madh ukrainas, Harkiv, me dronë gjatë natës mes 25 dhe 26 marsit.
Inxhinierët ukrainas kanë hasur në telashe për ta rregulluar rrjetin elektrik të dëmtuar nga sulmet e mëhershme ruse në infrastrukturën energjetike, duke bërë që mijëra njerëz të vazhdojë të mbesin pa furnizim me rrymë.
Ushtria ukrainase tha të martën se i ka rrëzuar 12 dronë rusë të cilët ishin nisur drejt Kievit.
Lexoni edhe këtë: Rusia i vazhdon sulmet ndaj rrjetit energjetik të UkrainësNuk është raportuar për viktima dhe nuk është e qartë nëse janë shkaktuar dëme.
Në Harkiv, autoritetet rajonale thanë se së paku tetë dronë prodhim iranianë e sulmuan qytetin e dytë më të madh ukrainas, por se mbrojtja ajrore i rrëzoi ata.
Të hënën, Rusia i vazhdoi sulmet me dronë ndaj infrastrukturës energjetike të Ukrainës gjatë, duke shkaktuar ndërprerje të rrymës në disa rajone.
Cak i sulmeve ishin qyteti i portit të Detit të Zi, Odesa, si dhe Mikolaiv.
Oleh Kiper, guvernator rajonal i Odesës, tha se më shumë se 300.000 banorë kanë mbetur pa rrymë më 25 mars.
Rusia i ka rritur sulmet ndaj rrjetit energjetik të Ukrainës në ditët e fundit.