Janë raportuar 1.219 raste të reja me koronavirus të premten në Kosovë, sipas njoftimit të Ministrisë së Shëndetësisë.
MSH tha se, në bazë të 3 mijë e 283 mostrave të testuara gjatë 24 orëve, 37.13 për qind e të testuarve kanë rezultuar pozitivë me COVID-19.
Aktualisht, janë 4,225 raste aktive me koronavirus në Kosovë.
Lexoni edhe këtë: Qindra të infektuar në ditë, thirrje për vaksinimRritja e numrit të të infektuarve me koronavirus në Kosovë ka vënë në gjendje të gatishmërisë spitalet.
Numri i rasteve me koronavirus në Kosovë ka nisur të rritet në gjysmën e dytë të qershorit.
Muajt e pranverës kanë qenë kryesisht të qetë sa u përket infektimeve - ka pasur ditë me zero raste. Shkalla e infeksionit është në rritje edhe në vende të tjera të Ballkanit dhe më gjerë.