“Burgu i idealit” në ish-qendrën e paraburgimit

Video, fotografi, artefakte, këngë të shkruara, vizatime e thënie nga ish të burgosur politikë prezantohen në ekspozitën e përkohshme “Burgu i idealit” në ish-qendrën e paraburgimit në Prishtinë. Kjo qendër ishte vendi ku mijëra ish të burgosur shqiptarë kanë përjetuar tortura nga regjimi serb. Teksa ekspozita është e përkohshme, me vendim të ministrit të Kulturës, Rinisë dhe Sportit, Hajrullah Çeku, ish-qendra e paraburgimit të Prishtinës kthehet në muze dhe do të jetë e hapur për të gjithë qytetarët çdo ditë, përveç të hënave. Për më shumë detaje lidhur me këtë ngjarje, flet Rozafa Imami, këshilltare e ministrit të Kulturës, Rinisë dhe Sportit.