Ministria izraelite e Shëndetësisë njoftoi se të paktën 44 njerëz kanë mbetur të vdekur në një festival fetar hebre në veri të Izraelit.
Shërbimi kryesor i shpëtimit i Izraelit, Magen David Adom (MDA), tha më 30 prill se më shumë se 100 njerëz u plagosën, duke përfshirë dhjetëra të tjerë që janë në gjendje kritike për jetën.
"MDA po lufton për jetën e dhjetëra të plagosurve dhe nuk do të dorëzohet derisa viktima e fundit të evakuohet", u tha në një postim në Twitter.
Tragedy in Meron: MDA is fighting for the lives of dozens wounded, and will not give up until the last victim is evacuated.38 are in critical condition and still in the field6 in critical condition who were evacuated 18 injured severely 2 moderately39 lightly pic.twitter.com/xUWStFYqQh
— Magen David Adom (@Mdais) April 30, 2021
Ka pasur raporte kontradiktore për atë që shkaktoi tragjedinë. Duke cituar policinë, gazeta Haaretz raportoi se incidenti ndodhi nga një panik i shkaktuar kur njerëzit rrëshqitën në shkallët.
Raportet tjera thonë se gjatë tubimit është shembur një strukturë ku qëndronin njerëzit.
Videot në mediat sociale treguan pamje të turmës se njerëzve në kaos. Një video tregonte disa trupash të pajetë në tokë.
נורא לראות את הצפיפות שהיתה במעבר הצר, ואת הדוחק העצום שהוביל בסוף לאסון הקשה והמחריד. pic.twitter.com/1RE7FggFXt
— ישראל כהן (@Israelcohen911) April 29, 2021
Kryeministri izraelit, Benjamin Netanyahu, e përshkroi atë si një "katastrofë të rëndë" dhe tha se po lutej për viktimat.
Incidenti ndodhi natën vonë ndërsa mijëra ultra-ortodoksë u mblodhën në malin Meron për të festuar Lag BaOmer, një festë hebreje që nderon Rabbin Shimon Bar Yochai, një mistik i shekullit të 2-të i cili është varrosur atje.
"Gjithçka ndodhi në një pjesë të sekondës; njerëzit ranë, duke shkelur njëri-tjetrin. Ishte një katastrofë", i tha një dëshmitar gazetës Haaretz.
Videot e postuara në internet shfaqin mijëra njerëz që përpiqen të largoheshin nga kaosi, përmes një rruge të ngushtë.
Ekipet izraelite të shpëtimit e vendosin një trup të pajetë në një ambulancë, Meron, 30 Prill 2021.
Një pelegrin tha se ai mendoi se kishte një alarm bombe kur dëgjoi mesazhet me zë të lartë që u bënin thirrje turmave të shpërndaheshin.
Pastaj, policia u kërkoi të gjithëve të evakuohen.
"Askush nuk e imagjinonte që kjo mund të ndodhte këtu", i tha ai Kanalit 12 TV.
"Gëzimi u shndërrua në zi, një dritë e madhe u bë një errësirë e thellë", tha ai.
Hebrenjtë ultra ortodoksë shikojnë shkallët pas incidentit në Malin Meron, Izraelin verior.
Ky ishte tubimi i parë i madh fetar i mbajtur legalisht që kur Izraeli hoqi pothuajse të gjitha kufizimet e pandemisë së koronavirusit për shkak të një fushate të shpejt vaksinimi. Megjithatë, autoritetet shëndetësore kishin paralajmëruar mos mbajtjen e një tubimi kaq të madh.
Dhjetëra mijëra hebrenj ortodoksë bëjnë një pelegrinazh në Meron çdo vit për Lag B'Omer, një festë fetare vjetore që shënohet me zjarre, lutje dhe vallëzim.
Qyteti konsiderohet të jetë një nga vendet më të shenjta në botën hebreje.
Sipas Times of Israel, organizatorët vlerësuan se 100,000 njerëz mbërritën të enjten në mbrëmje, dhe pritej që edhe më shumë të arrijnë të premten. Festa e vitit të kaluar ishte e kufizuar për shkak të pandemisë.