I dërguari ndërkombëtar për krizën në Siri, Lakhdar Brahimi, ka thënë se konferenca për përfundimin e luftës në këtë vend, nuk do të mbahet në korrik, ashtu siç ka shpresuar, dhe u ka bërë thirrje Shteteve të Bashkuara dhe Rusisë që të ndihmojnë në frenimin e konfliktit.
"Ajo çfarë po ndodh në rajon është jashtëzakonisht, jashtëzakonisht serioze. Shpresoj shumë se qeveritë në rajon dhe fuqitë e mëdha, sidomos SHBA-ja dhe Rusia, do të veprojnë për të frenuar këtë situatë që po del jashtë dore”, ka thënë Brahimi për gazetarët në Gjenevë.
Javë më parë, SHBA-ja dhe Rusia janë pajtuar që të organizojnë një konferencë të paqes për Sirinë, me pjesëmarrjen edhe të regjimit dhe opozitës siriane. Dy palët e fundit kanë qenë të lëkundura në qëndrime, sa i përket pjesëmarrjes.
Lufta civile në Siri ka shpërthyer në mars të vitit 2011. Sipas Kombeve të Bashkuara, mbi 93,000 njerëz kanë humbur jetën.
"Ajo çfarë po ndodh në rajon është jashtëzakonisht, jashtëzakonisht serioze. Shpresoj shumë se qeveritë në rajon dhe fuqitë e mëdha, sidomos SHBA-ja dhe Rusia, do të veprojnë për të frenuar këtë situatë që po del jashtë dore”, ka thënë Brahimi për gazetarët në Gjenevë.
Javë më parë, SHBA-ja dhe Rusia janë pajtuar që të organizojnë një konferencë të paqes për Sirinë, me pjesëmarrjen edhe të regjimit dhe opozitës siriane. Dy palët e fundit kanë qenë të lëkundura në qëndrime, sa i përket pjesëmarrjes.
Lufta civile në Siri ka shpërthyer në mars të vitit 2011. Sipas Kombeve të Bashkuara, mbi 93,000 njerëz kanë humbur jetën.
