Me rastin e paralajmërimit të protestës së organizuar nga "Vetëvendosja", në vendkalimet kufitare me Serbinë, më 14 janar, kryetari i Kuvendit të Kosovës, Jakup Krasniqi, u ka bërë thirrje drejtuesve të kësaj lëvizjeje "të mos i kalojnë të drejtat kushtetuese e ligjore që janë të sanksionuara në Kushtetutën e Republikës së Kosovës".
"Partitë, si subjekte në institucionin më të lartë përfaqësues, ligjvënës dhe mbikëqyrës të jetës publike, shoqërore e institucionale, janë të obliguara të kontribuojnë dhe ndihmojnë në sundimin e rendit e të ligjit, në sigurinë dhe stabilitetin politik të shtetit tonë të ri", thuhet në deklaratën e Krasniqit.
Lëvizja Vetëvendosje, subjekt i përfaqësuar edhe në Kuvendin e Kosovës, ka paralajmëruar se të shtunën do të bllokojë hyrjen e mallrave nga Serbia në pikat kufitare Merdare dhe Dheu i Bardhë.
"Partitë, si subjekte në institucionin më të lartë përfaqësues, ligjvënës dhe mbikëqyrës të jetës publike, shoqërore e institucionale, janë të obliguara të kontribuojnë dhe ndihmojnë në sundimin e rendit e të ligjit, në sigurinë dhe stabilitetin politik të shtetit tonë të ri", thuhet në deklaratën e Krasniqit.
Lëvizja Vetëvendosje, subjekt i përfaqësuar edhe në Kuvendin e Kosovës, ka paralajmëruar se të shtunën do të bllokojë hyrjen e mallrave nga Serbia në pikat kufitare Merdare dhe Dheu i Bardhë.
