Deputetët e Listës Serbe i janë drejtuar me kërkesë Gjykatës Kushtetuese për interpretimin e ligjshmërisë së miratimit të Ligjit për Investimet Strategjike nga ana e Kuvendit të Kosovës.
Lista Serbe, i është drejtuar Kushtetueses pas deklaratës së miratuar nga kryetarët e katër komunave veriore të Kosovës, të cilët kanë kundërshtuar miratimin e këtij Ligji, duke konstatuar se nxjerrja e ligjeve në këtë formë nga institucionet qendrore të Kosovës, bie ndesh me parimet e decentralizimit dhe paraqet një jo sinqeritet të qeverisë qendrore karshi institucioneve lokale.
Gjatë javës së shkuar, Lista Serbe i është drejtuar Kushtetueses edhe për Ligjin për “Trepçës”, duke pretenduar po ashtu se nuk është miratuar konform procedurave ligjore - kushtetuese.
Të dy këto ligje, ky subjekt politik shpreson se do të anulohen nga Gjykata Kushtetuese.
